人氣韓綜《Running Man》嘅「王鼻子大哥」池錫辰噚日出席大台慈善節目《星光熠熠耀保良》，仲同女歌手胡琳合唱張學友嘅經典名曲《你最珍貴》。

首次喺香港參與慈善演出嘅池錫辰就話心情緊張又期待，加上佢覺得幫到人好有意義。提到同胡琳合唱，佢話原來係全靠經理人推介胡琳先促成今次嘅合作：「我上網聽她的歌，覺得好好聽，所以促成今次合作。」

之前池錫辰同胡琳拍MV時，收到對方送嘅「唱K神器」，問佢有冇用過，池錫辰興奮表示有攞上《RM》用：「因為那一集的概念是一班大學生去旅行，我沒有用來唱歌，是用來嗌『喂喂，靜一點！』」但佢笑言唔確定嗰個場口會唔會被剪走。