日本巨乳女星小向美奈子今年2月喺屋企被搜出興奮劑,係佢6年內已三度涉毒,小向美奈子上月中喺東京地裁進行初審時承認控罪,佢話因為同男友鬧交,加上工作壓力爆煲,先會再沾染毒品,小向於上星期着住黑色套裝到法庭聽判決,法官於庭上宣判小向罪名成立,判監1年6個月,即時入獄。
原本係水着偶像嘅小向,由於形象衰到貼地,所以要轉行拍AV同埋跳艷舞,可惜09年首次因非法持有安非他命被捕,之後就一直倚賴毒品,可能係毒癮太深,多年來都係搣唔甩。小向為證明出獄後會改過,當地有報章獨家指小向已在獄中決定嫁任職侍應嘅圈外男友,講明一刑滿就會結婚,慣性唔着衫嘅小向仲話,好期望到時可以披嫁衣,所以趁呢年半牢獄生涯就順便減肥喎!