飯焦老師係教通識科嘅專才，有次上堂佢叫學生寫作，題目係「怎樣才算懶惰」，字數不限，最緊要有創意。
派功課嗰日，樂樂好開心大嗌：「我有90分呀！」佢係寫咗六個字：「這樣就叫懶惰」。
盈盈嗌得仲大聲「嘩，我有95分」，佢乜都冇寫。
權權氣定神閒打開本功課簿畀大家睇，「我最叻，100分」。佢非但冇寫嘢，簿上仲有大笪口水迹。

本欄改編自網上笑話，逢周日刊出