亞洲足協今日（24日）舉行年度頒獎禮，亞洲足球先生亦會誕生，但這個獎項又真的是頒予全球表現最好的亞洲球員？
以往，亞洲足協在選舉亞洲足球先生上，都沒有受到球員所效力的洲份之限制，所以大約10年前在歐洲球壇有出色表現的，如中田英壽、戴伊、馬達維基亞，甚至范志毅，都能夠榮膺亞洲足球先生。不過，近年這個獎項的誕生備受爭議，因為選舉範圍只限於在亞洲地區的亞洲球員角逐，於歐洲球壇競逐的亞洲球星連入圍都冇份。
筆者以非洲足球先生為例，基本上最好的非洲球員都已經在歐洲球壇角逐，難道非洲足總可以唔選杜奧巴、艾辛，甚至伊度奧，而只在非洲地區選出一位冇代表性的球員當選？結果，亞洲足協今年繼續一意孤行，朴智星、中村俊輔等全部冇份列入角逐名單，因為他們都非「亞洲」球員，沒有資格！