長毛指對方不斷以各種極為荒謬的藉口,阻止他行近酒會會場,「佢哋話今日好多賓客,驚我入去會太多人,會唔方便」,其間又一邊稱要長毛「等一等」,一邊以「酒會就嚟散」為由阻止他進入會場;跟隨長毛到場採訪的一名外國記者,亦遭阻止進場。
由於事出突然,加上長毛不想造成衝突,故此他最後惟有離開,「我可以衝入去,但一定係徒勞無功」。
對於政府阻止他出席十.一酒會,梁國雄不知決定是否來自特首曾蔭權,但事件反映現時政府正不斷縮窄港人表達空間,「呢個政府對批評已經係充耳不聞,以前你大聲嘈,佢當睇唔到,家係衰到連睇都唔畀自己睇到、聽都唔畀自己聽到」。