六、七年前開始收藏威士忌的AaronChan，第一次接觸的是日本威士忌，吸引到他的興趣全因好飲，起初都是托朋友在世界各地帶威士忌作品嚐，當時威士忌炒風未熾熱，一有時間他就上網看相關資訊和買入《JapaneseWhisky》和知名作家DaveBroom所出版的書籍作研究，一路飲一路學，飲得多就自然產生觸角，將部份珍貴的威士忌儲起來，現時仍存有幾百支威士忌作收藏，一半都是日本威士忌。

他多番強調，假若閣下純新手、又沒有品嚐威士忌的習慣，「就等如師奶入市，幸運地買咗一隻好勁，但係下一次可能要輸番」。只有真心喜愛威士忌的人才能有點勝算「買嘅酒必須是你鍾意的牌子，起碼可以開出嚟飲。」他坦言，閒時會發掘不同的威士忌，會自費飛到國外參與當地蒸餾所小型品嚐會，又或是在自家酒吧安排敍會去享用手上的威士忌。

以下是投資威士忌幾大建議：
1.買大品牌（bignames），因為一個冇人識的牌子，幾好飲都冇用。
2.一些倒閉的蒸餾所，由於未來供應只會越來越小，較能保值。
3.一些陳得耐的威士忌，幾十年前出街，就如著名的威士忌portellen。
4.回歸基本步，最緊要都係好飲，自己又鍾意飲的。
5.唔好用炒價去買野。

記者：陳皓怡