當年今日

深圳度新歲特集大人細路都啱

蘋果日報 2002/02/09 00:00


馬年將至,唔少人都會北上入貨,除添傳統新裝、買揮春等外,不妨趁着數天春假,計劃前往東莞最新成立嘅小童小型賽車會,同仔女一齊落場「鍊」車,一家大細過一個刺激好玩嘅農曆新年!

記者:梁煒健
攝影:楊錦文、伍慶泉
ImageGirl:Jenny、施卓伶
首創兒童小型賽車場
香港唯一一間國際認可嘅小童小型賽車會「Kid'sKartingWorld(HKG)Ltd」最近才成立,5至11歲嘅小童都可以參加。呢度嘅導師,擁全港兼國內唯一領有日本發出嘅專業教授小朋友小型賽車牌照,家長大可放心。小朋友除需要喺香港接受基本訓練課程外,更可北上往東莞常平「麗都小型賽車會」實地練習,既能訓練小朋友獨立處事,大人亦能與小朋友打成一片。
訓練課程收費$1,499
5至11歲小朋友可參加為期1個月嘅訓練班,每星期一堂共4堂。首兩堂逢周六喺香港學習小型賽車基本結構、操作、安全措施、駕駛技術及比賽守則等。隨後兩堂則於星期日喺東莞常平「麗都小型賽車會」實習(車費另計),最後一課須考試,及格後才有會員駕駛證。課程收費港幣1,499,包括4堂課程、設備租用、賽車租用及考試費用。農曆初二至初六特設「新春學堂」,最快可在初二於東莞上課,初四就可以落場玩!
大人細路打成一片
只有6歲嘅Joyce,係兒童小型賽車會嘅唯一女將。Daddy周先生解畫:「我自己都係小型賽車愛好者,每星期都會到常平比賽。賽車都係運動嘅一種,畀Joyce玩車係想佢多啲嘗試,雖然Joyce係唯一女性會壓力大,但我只想佢有良好嘅處理能力,最緊要係安全第一。」
Kid'sKartingWorld(HKG)Ltd
地址:旺角廣華街45至46號廣發商業中心12樓1212至13室
查詢電話:23882611
麗都小型賽車會
地址:東莞常平鎮北環路
交通:會方可提供旅遊巴士接送(車費另計),由九龍塘或上水上車,車程約個半小時。另自行搭火車北上亦可。
鳳仙裝服飾夠傳統
深圳經常流傳以棄用藥棉做衫,故最好搵間信譽良好嘅店舖。正如今次介紹嘅店舖早有不少大公司幫襯,如上海賓館及華強北路一帶店舖都係佢哋客仔,重有幾十年經驗裁縫師傅精心炮製。
呢度所賣嘅棉襖均以一級真絲縫製成,手工不俗,過年着鳳仙裝絕對能令各位女士加添一份迷人風姿,企領設計就夠晒傳統,有大、中、細碼之分,部分現貨有八折,但想度身訂做就Nodiscount!粉紅夾棉毛毛唐裝衫適合3至10歲細路女穿着。
古韵閣
地址:深圳福田區華發北路1號銅鑼灣廣場C座2樓225至226舖
電話:(86)13924594606
營業時間:早上10:00至晚上10:00(農曆年照常)
交通:從羅湖關口前往,乘的士約10分鐘,車費約?22。
買招財豬旺財
招財豬喺深圳剛啱Hit,除咗着唐裝衫,更有其他服飾及多種Size可以訂購。當中須預先訂購嘅5呎高招財豬仔豬女(每對?520)最受歡迎,愈大隻招財入屋自然會愈多嘛!
喜盈盈民間結藝坊
地址:深圳福田華發北路銅鑼灣流行總站C座144號地舖
電話:(86)13823716812
營業時間:早上11:30至晚上8:00
交通:從羅湖關口前往,乘的士約10分鐘,車費約?22。
過年揮春東門最齊款
過年自然要買番幾對揮春或對聯掛喺屋企,最啱去深圳步行摷,呢度款式多又平,例如一對5字2呎長對聯,絲絨布製造擺幾耐都得,每對只需?45。
彩虹新年裝飾禮品批發
地址:深圳羅湖區東門步行街金世界商業中心1樓D5舖
電話:(86755)2301823
營業時間:早上9:00至晚上10:30
交通:從羅湖關口前往,乘的士約5分鐘,車費?12.5。
東門買海味假貨較少
過農曆年中國人會買海味大宴親朋,雖然深圳區經常有假貨出現,不過只要自己識睇及小心觀察都唔怕被人呃。論售價最平、種類多就要數東門嘅興華海味市場,呢度有十多二十間店舖,以批發為主,假貨較少,北上朋友可考慮到該處睇一睇。
興華乾果海味市場
地址:深圳東門湖貝路(菜市場對面)
電話:(86755)2299494
交通:從羅湖關口前往,乘的士約5分鐘,車費?12.5。
「丹桂軒」蘿蔔糕銷量冠軍
過年食糕點係廣東人嘅習俗,上深圳想買到靚嘅糕點,就必然去丹桂軒買嘞!丹桂軒出品嘅蘿蔔糕、年糕、馬蹄糕等,款款都用料十足,味道可口之餘亦對健康無損,難怪丹桂軒出品嘅糕點,成為去年深圳市最高銷量嘅應年食品喇!
丹桂軒
地址:深圳羅湖區建設路新都酒店2樓
電話:(86755)2323888
營業時間:早上7:00至晚上11:30