入伙初期已經在海怡半島工作的代理王昭康（Billy，圖），早幾年更在區內置業變身島民，「曾經考慮過太古城，但買兩房嘅價錢，喺海怡買到三房半，而且海怡多綠化、空氣好、人流少，感覺比太古城舒服好多，生活配套亦都一應俱全」。

受惠南港島綫　樓價升8%

海怡半島的標準單位由519至889方呎，現時平均呎價1.78萬元，入場費由880萬元起。4期當中，以第二期身價最貴，因為多數單位擁海景，而且最近會所、泳池，雖然距離港鐵站最遠，路程要5、6分鐘，但環境最寧靜；反之最近港鐵站、數十秒已可上到單位的第四期，則因為望樓景及馬路為主，呎價最便宜。
說到南港島綫，Billy大讚超級方便，他說以往到中環總公司開會，坐巴士總是「趕頭趕命」，現在同一時間出門，可以早半小時到達。不過，相比當日西港島綫令西區樓價大幅炒高，南港島綫只令海怡花園樓價上升約8%，「通車前6至8個月，成交同樓價有明顯上升，但幅度唔算太高，始終當日西區有大量新盤推出，加埋通車雙重效應下，樓價大幅炒高，而呢區冇新盤，又係自住為主、成交穩定嘅大藍籌，情況有啲唔同」。