逆權運動抗爭至今，黃藍陣營誓不兩立，黃色經濟圈應運而生，連結同路人互相支持，其中由譚小環和老公蔡強榮開設的小食店「渣哥」，今日有王宗堯到德福店做義務店長，並將3小時的營業額$10,000不扣除成本捐給612基金。

渣哥夫婦帶埋愛犬LaLa支持王宗堯，在社交網貼相並留言，讚王宗堯是真心男神，渣哥寫道：「能成為一代男神，除咗要輕微高大靚仔過渣哥少少之外，當然仲必須要有一顆至善至美嘅良心，是咁的，宗堯今日無條件到德福店幫渣哥做一日義務店長，我哋當然非常感動，雖然宗堯完全唔計較，但人心肉造，都唔好連入油錢泊車錢都要佢蝕埋吖，所以我哋決定咗將佢喺度嗰3個鐘頭嘅營業額，齊頭$10,000交畀佢，作為小小心意。」

渣哥並上載一張王宗堯拿着銀行入數紙的相片，寫道：「最後，件事係變成咁嘅！宗堯話：錢我唔多，但真係有需要嘅人比我更多，渣哥你橫掂踎喺欄杆Un腳咁無聊，不如你幫我過對面銀行捐咗佢吖。渣哥：哦。我邊有Un腳！#代612基金多謝宗堯」。

而義務做店長的王宗堯，亦在社交網分享感受：「簡單的快樂源自於帶更多快樂給別人...渣哥，又點止醫肚咁簡單。」網民都留言讚：「你哋啲對話好花生，又好有愛呀」、「兩個都係男神」。

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇