韓國女團f(x)嘅中國籍成員宋茜為咗親近粉絲，成日都會喺各個網絡平台好似微博、Instagram等等用中文同韓文留言同post相，更新下自己嘅近況。不過佢近日就因為Instagram嘅留言而引起咗中國粉絲嘅不滿喇。

話說宋茜為咗滿足韓國同其他國家嘅粉絲，喺Instagram會用韓文嚟留言，點知就惹嚟內地粉絲抗議，話佢做咩唔用中文留言，仲持續咁洗佢版、叫佢用番中文。

之後宋茜就反擊話：「點解喺微博冇人要求我留韓文留言？其他國家嘅粉絲都可以睇得到，我又唔識其他語言，所以先喺嗰度（微博）用中文，喺呢度（Instagram）用韓文，都唔係唔可以喺用中文，但都係我心意，唔可以隨我心做嗎？要我寫我偏偏唔寫：p」

宋茜留完呢翻說話之後，令內地粉絲更加不滿，而宋茜亦擔心，即刻删除之前上載嘅所有相同内容。而喺13日開始，宋茜喺Instagram上就用晒中文、韓文嚟留言，盡量滿足兩邊國家粉絲嘅需求。

另外，宋茜將會客串由隊員Krystal同韓流天王Rain合演嘅新劇《對我而言可愛的她》，最近劇組就公開咗一張宋茜著住黑色裙現身，至於佢喺劇中飾演一個咩角色，到而家都仲係一個謎。