Adrian話，集團每年喺中港兩地起碼用成億做慈善，一路都有做開，同老竇純官支持CY後入咗扶貧委員會籌備工作小組冇關係喎。佢3、4月開始同多個非政府組織傾偈，想知除咗畀錢，有乜嘢真係幫到基層小朋友。
最新推出為期7至10年嘅「飛躍新世界」計劃，等小朋友多啲機會運動吓，上個月已經有百幾個東涌同深水埗嘅基層小朋友免費學游水。另外仲有籃球項目，9至11月招募，出年1至4月接受免費籃球訓練。
Adrian度橋時諗起同樣喺哈佛讀書嘅師弟林書豪，發現佢有個慈善基金，又係基督徒，好夾，於是透過律師邀請書豪合作，一拍即合。
雖然話合作，但Adrian從未見過書豪真人，呢排佢嚟亞洲，香港係其中一站，大家先有機會見面。書豪星期五會去新世界尖沙嘴K11出席一個同小朋友傾偈嘅活動。Adrian到時會把握時機同書豪傾合作細節，參加「飛躍新世界」嘅小朋友，如果打波打得好，將來可以飛去美國睇NBA或者跟書豪學打波都未定！可惜Adrian精游水弱打波，所以兩人就唔會切磋喇。
李華華
mailto:
[email protected]