鄭秀文（Sammi）、許志安、張敬軒同吳若希（Jinny）噚晚於將軍澳出席「IFPI唱片銷量大獎2015頒獎典禮」，Sammi同安仔罕有地夫妻檔同場，但兩人竟然冇齊齊離開，Sammi話：「我有問佢會唔會留低睇我唱歌，當係畀啲鼓勵，可能佢肚餓所以走先！」

近日Jinny被傳同澳門才俊相戀，佢否認之餘，更搵嚟許廷鏗擋駕，佢話：「我要同大家公佈，其實我身邊真係有個鑽石王老五，佢係專業人士，呢個人就係將軍澳吳尊（許廷鏗）。」結果搞到許廷鏗一臉無奈。

另外，軒仔自爆早前得到高人指點，指佢鼻頭有肉好生養，最少會生四胎，不過軒仔話自己唔會太心急。