F1中國站喺周五第二次練習時，就試過因為霧霾太嚴重，令到醫療直昇機冇辦法正常起飛；救護車亦冇辦法喺規定救援時間嘅20分鐘內，由賽道開到38公里外嘅醫院，導致嗰次練習取消。

不過，中國嘅霧霾問題又點會係短時間內可以解決到呢！據英國《天空體育》爆料，國際汽聯（FIA）就聯絡定公安，要求比賽日要安排警車隨時候命，假如有意外就要即刻幫手開路，護送傷者到醫院。