日劇《交響情人夢》男星小出惠介早前爆出性醜聞，佢被指5月喺大阪拍劇期間相約一名17歲女生夜蒲，少女報稱飲醉後被帶往酒店，禁室培慾共發生性行為共五次，小出現時已無限期停工，雖然佢已經與該名少女和解，但小出涉違反青少年健全育成條例，大阪警方今日已經將案件送檢。

根據大阪青少年健全育成條例內容，禁止18以下青少年喺沒有監護人陪同下深夜外出，大阪警方於經過接受小出、受害少女及其母，與相關人士問話及調查後，將案件送檢，同時將介紹該少女畀小出認識嘅男子，以及涉向少女提供酒類飲品嘅食店東主等涉案人士落案。

小出落口供時指：「看起來很成熟，不似17歲，後來才知道她真實年齡。」否認指控。至於佢涉性侵嘅罪名，警方就指冇證據顯示少女被威脅發生性行為，冇違反兒童福祉法，所以冇立案唔追究。