馬圈愛情故事唔少，好似長駐本港的毛里裘斯籍騎師田泰安同靚女騎馬人Xaviere成雙成對，每日各自開工攞正牌拍拖。

一路以來脾氣古怪的「電子鳳凰」長期由Xaviere負責踱步操練，上季初由楊明綸勝出後，田泰安跑兩次都只得第三、第四名，跟手田泰安便失去此馬帥權。到季中田泰安、Xaviere兩個撻着愛火，「電子鳳凰」亦同兩人緣份未盡，今戰(18日)復由田泰安操刀跑第三場四班1650米泥地，若果贏到既可答謝練馬師容天鵬同馬主盧榮民，話晒佢哋間接做咗田泰安、Xaviere嘅紅娘。

再講，呢pair愛侶近日輪流操隻「電子鳳凰」，田泰安仲連機坪踱步都親自撈埋，咁神心，無非都係想修成正果啫！