近期被多名執委和會員質疑「一人專政」、引發黨內退會潮的街工立法會議員梁耀忠，前年主持立法會主席選舉期間，因不滿秘書處不准3名未有效宣誓的當選議員投票，決定離席抗議，被批評未有把握機會，運用主席權力，DQ當時捲入國籍風波的梁君彥，令對方終按中聯辦的「劇本」當選主席。梁耀忠近日被網民發現，拒絕擔任一小組委員會的主席，遭質疑缺乏承擔。

立法會根據《建造業議會條例》及《肺塵埃沉着病及間皮瘤（補償）條例》提出的擬議決議案小組委員會，本月6日召開首次會議，選出委員會主席。梁耀忠因議員資歷較深，按慣例主持會議，直至選出主席，當時在席的除梁外，只有民建聯黃定光和勞聯潘兆平。

甫開會，黃定光提名梁耀忠做主席，梁即推搪：「唔好呀！千祈唔好呀！你知我最唔鍾意做呢樣嘢㗎啦，千祈唔好」、「我唔制呀、我唔制呀，你知我唔鍾意做呢啲嘢㗎啦」、「唔得、唔得、唔得」、「呢啲唔係輪到我，我都唔做呀」、「你知我咁多年都冇做過主席㗎」，反建議黃定光或潘兆平擔任，因黃已多次擔任委員會主席，「你捱義氣啦……耳熟能詳唔使推搪啦……唔爭在做埋呢個啦……加多個啦，一個半個好快啫呢個都，好容易啫」。

黃則反駁，「好牛都唔好使死牛先得㗎？」聲稱自己沒時間再擔任多一個主席位，提議梁「都要處男下海嘅」、「你唔鍾意都要鍾意㗎啦」，反問梁「唔鍾意係咪藉口先？」梁解釋：「喺我嚟講，就唔係藉口」。潘兆平亦拒絕擔任，稱要「論資排輩你（梁耀忠）頂啦」、「你做恰當啲呀，反正你都喺度主持緊」。

3人互相推搪逾6分鐘，仍爭持不下。梁遂聽從秘書建議，暫停會議10分鐘，等更多人回來開會再議。工黨張超雄和工聯會何啟明之後現身開會，但黃定光和潘兆平已「閃人」，最終主席一職由何啟明在無競爭下出任。