所謂升市莫估頂，港股既然在前幾日美國聯儲局議息當日玩單日轉向，波幅還闊達300幾點，之後還乘勝追擊衝爆群眾心理關口17500，創下6年以來新高，真係挾到淡友「扯蝦」！有股友問星俠，後市升浪究竟指在哪一點之上？我聽罷只是笑了笑，試問又何必估頂呢？
其實一個「大時代」的出現，總會有某些未能與時並進的人被時代洪流甩在背後，究竟股壇之大，有幾多散戶未能恭逢是次大升盛會？相信無人知道答案。所謂炒股不炒市，即使大市要略作調整，有些優質股一樣可以照升如儀。
股市牛氣沖天，市場資金「水浸」，近期不少上市公司都趁機集資；「抽水」也可以是好事，最緊要資金用得其所。永成國際（850）剛以每股0.50元配售最多6700萬股，集資所得預期用於收購東北石油權益。