最近劇接劇嘅「水晶梨」譚凱琪(Zoie)，新劇《踩過界》入面就盡地一露，劇入面飾演形體藝術家，用身體配合不同顏色燈光呈現人體藝術，大露背都唔夠，仲有正面全裸，觀眾眼睛就食晒冰淇淋。( 新聞連結： http://bit.ly/2tiT1ck )

35歲Zoie身形Keep得咁好，原來係有原因㗎，就係做運動喇！Zoie今日就喺微博貼咗佢同陳凱琳、沈卓盈、龔嘉欣，原來佢哋噚日約埋一齊去打羽毛球嘅相，留言：「少婦聯盟 X badminton 」。四位靚女打波前，做運動當然要打卡啦，佢哋開波前，就一齊企定定，大騷長腿咁影張大合照先，四個靚女一齊晒腿，忠告大家睇時可預備一副太陽眼鏡。

而龔嘉欣亦同樣有貼圖，佢仲叫大家估吓佢哋邊個打得最叻㖭！