娛圈打機風製造恐慌
馮仁昭四圍超：千嬅、古仔密室玩通宵
蘋果日報 2004/11/12 00:00
最近好多藝人同幕後人都好鍾意玩一個離開密室嘅網上遊戲，呢個遊戲係由日本人設計，一共有三關，聽講第一關喺上年已經有，第二關今年出咗之後就令到啲人好風魔，最近更喺圈中廣泛流傳。其實呢個網上遊戲係考驗大家嘅智力同耐性，據知全球只有四千人過到第一關，第二關就只有一千人順利玩完。
背景音樂恐怖
古天樂同馮仁講，話玩咗十個鐘先過到第一關，第二關同第三關都玩咗成晚先過到；而楊千嬅玩呢個密室遊戲過第一關時，因為呢關要搵齊十三樣嘢先可以贏，佢搵到十二樣後，剩番嗰樣就𢱑爆頭都搵唔到，於是猛打電話搵朋友幫手，由夜晚十點搞到凌晨五點先過晒三關。
不過，千嬅話第二關一個人玩都幾驚，因為個密室有副骸骨，啲背景音樂又恐怖，膽細嘅人最好搵多幾個朋友仔陪住玩。馮仁昭就覺得遊戲可以玩，但要適可而止。
網址： http://www.fasco-csc.com/index_e.html
古天樂同馮仁講，話玩咗十個鐘先過到第一關，第二關同第三關都玩咗成晚先過到；而楊千嬅玩呢個密室遊戲過第一關時，因為呢關要搵齊十三樣嘢先可以贏，佢搵到十二樣後，剩番嗰樣就𢱑爆頭都搵唔到，於是猛打電話搵朋友幫手，由夜晚十點搞到凌晨五點先過晒三關。
不過，千嬅話第二關一個人玩都幾驚，因為個密室有副骸骨，啲背景音樂又恐怖，膽細嘅人最好搵多幾個朋友仔陪住玩。馮仁昭就覺得遊戲可以玩，但要適可而止。
網址：
蔡依林（Jolin）近日忙於為下個禮拜六（二十號）喺台北舉行嘅「J1演唱會」綵排，日前佢喺排舞室練舞，但未到夜晚八點已成個人謝晒，要即刻返屋企休息。不過做得藝人，叉電話都冇咁快，Jolin噚日着住皇馬波衫宣傳演唱會，重起勢咁踢個波，好有活力咁。
蔡一傑噚日去灣仔出席一個健美腰帶嘅宣傳活動，其間傑仔好落力幫手派傳單，好多途人見佢呢個「生招牌」都走埋去問佢意見，而一班嚟自新加坡、馬來西亞嘅歌迷特登去現場支持。傑仔話：「呢排不斷操弗自己，因為籌備緊演唱會，我哋草蜢好想喺入行二十周年嘅時候，同班歌迷留個紀念。」
演藝界良師劉芳剛日前病逝，由於佢生前培育咗唔少人才，所以劉老師嘅病逝令一班後輩感到好惋惜，梁朝偉、劉嘉玲、王家衞、關錦鵬同許鞍華等一大班學生重聯名登報悼念，以表對呢位好老師嘅敬意。而劉老師嘅追思會定於今個月二十六號晚喺香港童軍中心舉行，大家有心可以向佢作最後致敬。
古仔花咗好耐過第一關。
蔡依林
蔡一傑
梁朝偉、劉嘉玲
資料圖片
資料圖片