【懷舊經典】98年柯達DC玩DOOM 流暢媲美Mac機

蘋果日報 2019/12/18 00:03

DOOM毀滅戰士
    《DOOM》毀滅戰士可說是90年代的遊戲經典，七八十後如果當年有接觸過電腦都必定玩過。最近就有外國的電腦發燒友YouTuber把這經典作品，安裝到一部同樣「史前」的數碼相機上運行，而且玩得非常流暢。被實驗的是Kodak柯達DC260數碼相機，屬1998年出品，有成160萬像素（嘩！）、3倍zoom（當年都幾勁㗎喇）、2吋芒、用CF卡。而據試玩的人所講，呢部相機係用咗66MHz PowerPC CPU、8MB RAM、11kHz Sound Chipset，功能大概可媲美第一代的Apple Power Macintosh電腦。
    從影片可見，把《DOOM》安裝在相機後，再在相機中開啟檔案，遊戲就可正常運作，load game時間大概20秒左右，以史前數碼相機嚟講絕對唔算慢。遊戲運行畫面亦頗流暢，比較搞笑的是操作，方向鍵當然是操作前後左右移動，但開槍就交咗畀zoom out（wide）掣負責，而開門關門就係zoom in（tele），玩落都幾唔就手。
    其實近年都有唔少人把《DOOM》放在不同平台上運作，好像同一個YouTuber兩年前就試過在黑白計數機上玩《DOOM》，另外亦有人試過把《DOOM》成功安裝在Apple Watch上運作。而據影片可見，網上有不同相機或平台運行的《Doom》檔案可供下戴，但大前提係你要有一部可運作的正常史前數碼相機囉。
    記者：韓繼聰
    編輯：鄒仲安
    -----------------------------
    $1000以下隱世秘湯 精緻地道料理一泊二食
    《日本溫泉30》遊日必歎！
    -----------------------------
    【匿名港警爆大鑊】
    韓國KBS時事節目《時事直擊：香港 被自殺》
    一按即睇
    empty
    被實驗的是Kodak柯達DC260數碼相機，屬1998年出品，有成160萬像素（嘩！）、3倍zoom（當年都幾勁㗎喇）、2吋芒。
    empty
    據試玩的人所講，呢部相機係用咗66MHz PowerPC CPU、8MB RAM、11kHz Sound Chipset，功能大概可媲美第一代的Apple Power Macintosh電腦。
    empty
    當年相機大多用CF卡，48MB用在現時的相機手機應該都勉強仲影到十幾廿張相嘅。
    empty
    從影片可見，把《DOOM》安裝在相機後，再在相機中開啟檔案，遊戲就可正常運作，load game時間大概20秒左右。
    empty
    遊戲運行畫面亦頗流暢，比較搞笑的是操作，方向鍵當然是操作前後左右移動，但開槍就交咗畀zoom out（wide）掣負責，而開門關門就係zoom in（tele），玩落都幾唔就手。
    empty
    網上有不同相機或平台運行的《Doom》檔案可供下戴，但大前提係你要有一部可運作的正常史前數碼相機。