【本報訊】領展將出售17個商場，市值230億元。領匯監察主席蘇樂怡批評，領展今次一次過出售多個商場，目的明顯只是為了炒賣，與政府原本希望商場私有化後，可改善服務的原意相違背，「過往賣嗰啲都比較偏遠、本身領展都冇乜點改善到嘅商場。但今次賣嗰啲，例如屯門H.A.N.D.S咁，都係啱啱用成幾億裝修；現崇山就係佢自己買返嚟嘅物業，都唔係屋邨商場，明顯係為咗投機」。

管理不善未解決

蘇又斥過往領展出售的28個商場，管理不善等問題至今仍未解決，擔心相同情況再次重演。她指，從經驗可見，新買家通常會改裝商場，不但令小商戶無法經營，亦對居民生活造成嚴重影響。以香港仔田灣商場為例，曾被整幢圍封，包括扶手電梯連接至天橋通道的位置，居民出入極不便，早前新業主更擬改建成國際學校；亦有不少商場面對權責不清的問題，「好似樂富天馬苑咁，維修費嗰啲都唔知邊個負責」。
蘇重申，政府有責任監管領展，特首林鄭月娥亦曾指領展是「三座大山」之一，「但就乜都冇做」，認為政府應參與投標，回購商場。
■記者李詠希