如今節目尚餘三集,周日第13集會先播周慧敏和古巨基的訪問,而14集則是馬時亨和李麗娟,至於阿澤和阿詩至今仍未定能否出街;所以緊接的節目可能要提前補位頂上。《女》監製衛世輝昨在電話中說:「我哋剪好晒片,但冇收過任何指示。」
兩位被封殺的嘉賓昨日分別透過短訊回覆,阿澤坦言為撐阿姐才上節目,不介意有否播出,他說:「拍攝過程好開心,之後我哋仲去咗食飯。是但啦!佢冇唔播我老婆(田蕊妮)啲節目咪得囉!」何韻詩也說:「既然佢哋自稱為一個泱泱大台,使乜驚我哋兩個演員仔歌星仔呢,反正佢哋都慣咗修剪到符合佢哋和諧要求先出街,唔啱剪到啱囉。不過假設TVB真係要自我審查,咁其實佢連阿姐(遮)都要避埋喎,個名咁敏感。」
採訪:嵐山