老實講,林鄭身形一向瘦削,不過佢年初仲係臉圓圓,睇落氣色好好。八方搵返林鄭上任政務司前後啲相做對比,佢平時着套裝都唔為意,但一換上旗袍「骨感」就出晒嚟。
好似6月底梁振英新班子見傳媒,7月1日宣誓,八方都覺得佢比起年初時清瘦咗唔少,到近期佢出席馬季開鑼,件旗袍仲有啲鬆身,而且臉頰凹晒,下巴尖尖,難怪會引起政府中人猜測。
林鄭上任以來冇停過撲火,回應完頂頭上司狼振英僭建、愛將麥齊光又爆醜聞落台,家要湊住「劏房局長」陳茂波,又要代教育局局長吳克儉硬頂國民教育一仗,就連近日水貨客問題,都有傳由佢統籌一個跨部門小組處理。
搞到成個特區管家咁,壓力之大可想而知,真係想肥都難。