2003年皇馬訪港,當年會考的豪仔無心備戰,跑到酒店守候球星,結果會考零分收場。同年馬會賭波合法化,他未成年,但放學後仍千方百計與同學溜入投注站落注。「阿爸一直都有賭馬仔,不過自從賭波合法化之後,佢就連波都賭埋。但係佢就唔會分析球隊嘅傷兵變化形勢,經常會問我嘅意見。」
豪仔經常到北角的茶餐廳睇波,見有「艇仔」收外圍波。「見有個阿叔,輸到要按樓。有個後生仔,欠十幾萬外圍數,仲想一場買8萬蚊翻身,連外圍都唔受佢玩,叫佢搵大耳窿借錢還債。」
豪仔自認賭波很有分寸,但今個季球還是全部輸光。他坦言,父親做裝修,母親有兼職,自己是家中獨子,食住無憂;在世界盃後,能找到月入4,000元的工作,已心滿意足。
記者 林社炳