萬眾期待嘅人氣爆笑漫畫《聖☆哥傳》，宣佈拍成真人版日劇後安排本月在日本及香港上架，更會搬上大銀幕，呢套電影版已鐵定香港都有得睇！嘉禾院線將喺本月12日與日本同步上映，並於今日開始預售。

由日本女漫畫家中村光創作嘅《聖☆哥傳》，講述佛祖同埋耶穌度過世紀末之後，來到人間度假，並在東京利川一齊租廉價公寓展開同居生活。真人版故事唔止加入大量貼地生活題材，更加入唔少宗教典故，近日公開嘅預告已有大量笑位，例如松山研一飾演耶穌自言似Johnny Depp，佢頭上荊棘原來係用上魔術貼，更有GPS可設全球定位。至於染谷將太扮演佛祖就有圍裙Look，仲物色鬧鬼單位望可以更近回家之路。

精選娛聞，喺晒《娛果》
http://fb.com/appledailyent