劉穎鏇、郭子豪、「火雞姐」丁可欣同徐肇平等今日到太古參與運動店開幕活動，劉穎鏇承認受惠早前劇集效應，今個聖誕檔期已經排滿商業演出工作，收入亦相對比之前好，佢話：「我今年買咗份好大禮物畀自己，就係部電話，因為以前都係父母送。」郭子豪則自爆收入升200倍，全因為之前收入太少，所以今年獎勵自己買咗架新車。

問到劉穎鏇會否相約胡㻗過聖誕？佢話：「唔會，一月開拍新劇，我都緊張去睇劇本，同埋一月報讀咗網上商業課程，兩邊都忙。」郭子豪指胡㻗會同自己過聖誕，因兩人一齊拍劇，問到劉穎鏇會否探班？佢擰頭話：「唔使。」

精選娛聞，喺晒《娛果》
http://fb.com/appledailyent