陳彥行（行姐）、鍾嘉欣和吳幸美前晚在九龍灣拍攝無綫劇集《皆大歡喜》的一場泳池戲，三位美女均穿泳裝上陣，其中以上圍最豐滿的行姐配三點式泳衣搶盡風頭。
據知行姐今次出動私伙三點式泳衣，她為了以最佳狀態拍攝這場戲，前日整天不敢吃東西，行姐說：「我只係飲咗半杯水，前日醫生重話我貧血，我好滿意𠵱家嘅身材，近排我都有keepfit。」行姐自言平時游泳甚少穿三點式，她說：「我覺得大家身材都好好。」

鍾嘉欣不懂泳術
另外，鍾嘉欣表示自己不懂游泳，她說：「雖然我以前都喺加拿大學過，但學極都唔識，我比較鍾意玩陸上運動多啲。」鍾嘉欣雖是華裔小姐冠軍，亦曾穿泳裝在台上比賽，但她說：「其實當年都幾尷尬，我覺得自己𠵱家肥咗少少，着泳衣重靚咗㖭！」
採訪、攝影：王崇穎