張燊悅和混血名模AnaR.昨日在中環IFC,為美容品牌EsteeLauder新專門店主持剪綵開幕禮。早前有報道指張燊悅與雷頌德分手後,搭上年輕銀行才俊Desmond,收入一般,卻搬住月租四萬元的山頂豪宅。
住豪宅賴阿媽
昨日身穿黑色喱士吊帶裙的張燊悅風騷地說:「我呢排愛上成熟打扮,可能自己成熟咗,或者潮流又轉咗啦!」問她與新男友戀情發展,她即說:「冇呀,呢啲我唔回應,係我私事。啲周刊又話要踢爆我,都冇證據,又影唔到相,日日跟住我玩捉迷藏,搞到我好似黐線婆、唔係人咁。」
張燊悅又表示其實上年底已搬屋,她說:「搬咗好多個月啦,因為媽咪鍾意住九龍,我就鍾意住香港,之前都講咗好耐話分開住。」
問張燊悅支付四萬租是否相當吃力?她即時慣性瞪大眼說:「梗係唔係四萬啦,若果我孭得起就唔入娛樂圈啦,嗰度兩萬幾蚊啫。」
戴名表用名牌
張燊悅又表示早前被拍得用LV袋,其實是女性朋友送贈。不過,昨日所見,她戴FranckMuller手表,更表示明日將飛往法國欣賞時裝騷,生活富泰。
採訪、攝影:DebbieLum