【好乖唔出街】洪嘉豪新歌封王 怕咗肺炎唔敢慶祝
蘋果日報 2020/03/23 17:01
洪嘉豪章尾而瞏我說不可以
洪嘉豪今日在商台接受訪問，他指早前推出的新歌《我說不可以》前日榮登冠軍榜，不過受到疫情影響，未有慶祝，他說：「本來我以為疫情會好啲，但近排又好似轉差，大家乖啲，我都冇做健身兩、三個月，疫情之前落去跑步，返到屋企都唔太舒服，作咳咁，有疫情更加唔敢去，不過間中都有出去踢波，空曠啲嘅地方，打邊爐更加唔使諗。」
他透露工作大受影響，減少宣傳，幸好本身有儲蓄，加上自己又「慳家」，所以經濟方面還好：「買餸都貴咗，一斤菜廿幾蚊，我梗係知，因為阿媽嘅買餸錢係我畀。」
另外，章尾而今日在商台宣傳新歌《瞏》，這首歌講述自己想做認為對的事，遇上反對聲音、意見不同的時候，自己會感到很孤單、孤身作戰，其實每個人都會有孤獨感。
提到現時好多香港人因疫情而需要隔離，同樣都覺得很孤單，章尾而說：「我搵咗一班朋友幫我拍呢首歌嘅MV，包括舞台劇界、歌手朋友、醫生護士、老師，睇吓大家自我隔離嘅時候，好無聊嘅狀態，將佢哋嘅生活片段剪落去MV，嗰個感覺好有趣，所以每個人都可以代入到。雖然疫情令大家都好孤單，但你唔係一個人，係所有人都陪你一齊孤單。」章尾而透露不用工作時，在家會煲劇、寫歌、做運動，她說：「本身計劃今年出碟，但要睇疫情嘅情況。」
採訪：黃曉妍
攝影：林賓尼
攝影：林賓尼
洪嘉豪的新歌《我說不可以》前日榮登冠軍榜，不過受到疫情影響，未有慶祝。
之前有作咳不敢落街，但有趁宣閒搵空曠地方踢波。（IG圖片）
章尾而宣傳新歌《瞏》。（IG圖片）
訪問時乖乖戴口罩。