有「縮水利智」之稱嘅環境局副局長潘潔學而優則仕，噚日見記者時，有人重提舊事，問佢同教院校長張炳良有乜關係，事緣學術界流傳兩人喺城大共事時關係密切，潘潔好大方咁話，做研究時認識好多朋友，張炳良係其中之一，佢好多呢類型朋友，言下之意，兩人關係冇乜特別。
潘潔下晝見記者，其實上晝有關方面安排一眾「政治新蠢」同行會成員茶敍一小時，張炳良係行會成員，茶敍後佢話，成個鐘頭都冇同潘潔講過一句說話，主要係同佢前助理、勞工及福利局局長政治助理莫宜端傾偈。一個話係朋友，另一個卻當人透明，關係認真迷離。