黃美棋、孔德賢與陳欣茵今天在沙田廣源邨為口罩捐贈活動主持，見美棋今天戴了兩個口罩，原來她在出席活動前發生了一段小插曲，她說：「今日好好彩，我喺揸車嚟嘅時候唔識路，搵緊路之際點知隔離有一架車呠我，原來有兩個太太問我要去邊，我就話要去廣源邨，佢哋就叫我跟住佢架車，仲帶埋我泊位，佢哋仲帶埋我行去到活動地點。當我落車行過去多謝佢哋嘅時候，佢哋就攞咗一個布嘅口罩送畀我，同我講兩個師奶冇乜嘢識做，就車咗啲布口罩出嚟幫助有需要嘅人。」她續說：「我知道佢哋有喺上網賣，仲係用成本價，呢啲口罩好環保又可以洗、加多層保護，又可以用嚟襯衫 ，我之後都會幫襯，送畀朋友，我覺得今日真係好幸運，出路遇貴人。」

問到美棋目前的工作有否受到影響？她說：「公司內部嘅就冇，但係一啲商業演出同埋廣告，都延期同取消，但係我都明白嘅，希望可以共渡時艱。」現在是否多了時間拍拖？美棋笑說：「係多咗時間煮嘢食，我哋而家會拍啲片，當中係有啲小知識，例如會講返一啲食物嘅療法，大家睇片笑下之餘，亦都可以長知識，同時學到嘢。」

採訪：羅慧敏
攝影：陳俊強

-----------------------------
第三屆最港電影大獎
按此立即投票
-----------------------------

《果GYM》隨身播 　健身壹App過！

一按即玩