【新增影片】啱啱同岑杏賢宣告分手嘅袁偉豪，今日成面鬍根到中環出席活動，沒精打采，冇晒以前嘅光采。同場嘅，仲有拍檔王君馨……咁啱今日有周刊報道指袁岑分手係因為王君馨……

王君馨同袁偉豪今日同場，未見尷尬避忌，但做訪問時就分開做。袁偉豪第一句就謂:「我同Jennifer之間嘅事影響到嘅女同事，唔好意思打擾到你哋。我同Jennifer之間嘅事，係我有地方做得不足，係我傷害咗佢嘅心，令佢失去咗安全感，但細節嘅嘢我唔公開喇，佢原諒咗我，我哋係好朋友，亦都唔係出面所謂嘅逼婚唔成功，或者呷醋，絕無此事，佢係好好，好好，好好嘅女朋友，係我唔懂得珍惜佢，將來要做好自己，日後嘅嘢將來先算。」

言下之意，係咪即係有人不忠？

袁偉豪將分手問題攬上身，問岑杏賢有冇機會復合？她以短訊回覆傳媒﹕「無其他野想補充，件事已經完了，我們還是朋友。」