Hit到爆嘅韓劇《來自星星的你》噚晚播出第14集，全智賢飾演嘅千頌伊吊威吔拍動作戲，但威吔被人做手腳斷咗，明戀咗佢好耐嘅輝京（朴海鎮飾）即刻飛撲去救佢，兩個齊齊受重傷送去醫院。

而金秀賢飾演嘅外星人都敏俊知道奸角載京（申成祿飾演）反口，並加害於千頌伊後，即刻嬲爆衝去office搵佢算帳，仲「的」咗載京上天台玩跳樓，嚇到載京死死吓。

呢集收視升到去25.7%，繼續稱霸同時段劇集，而金賢重嘅《感激時代》就排第二，收視有8.4%。