陳山聰13年同何家千金何超雲分手，第二年就同Apple拍拖，對象由千金小姐變咗打工仔咁大轉變，到底Apple有咩咁吸引陳山聰呢？

之唔係善解人意，性格溫馴斯文囉！陳山聰阿嫂Sophie接受《蘋果》訪問時都勁讚話：「(Apple)不是我們介紹的，是山聰朋友的朋友。在朋友聚會時認識的。印象不錯，大哥都很喜歡，純純的，說話溫柔，斯文淡定，雖然我們相處時間不多，都感覺到她幾乖巧。」

屋企人就見咗，咁朋友呢？對於陳山聰新戀情，郭政鴻就話﹕「我都係睇新聞先知，哈哈哈。」佢仲話戥兄弟開心，至於有冇幫超雲拉紅線，佢就話：「冇件咁既事，大家敏感咗，整個話題。」