當年今日
關於我們
我有嘢講:荃灣最靚炭燒燒肉
蘋果日報 2006/11/06 00:00
每年春秋二祭,都特別想食燒肉!如果試過原隻金豬任你砌,邊砌邊流肉汁、邊嚿靚食邊嚿,都不知幾盞鬼呀!問荃灣老街坊邊間燒肉最正,冇得拗!一定係位於荃灣街市街「老麥」正對面嘅「聯發燒臘」;每日放工買餸時間都見到大排長龍,唔係話特別平,$48一斤燒肉、$64一斤燒腩(過時過節仲賣上$80斤燒肉、加送大嚿豬骨!),比大家熟悉的太興燒味仲要貴!
比人貴嘅原因係皮脆肉香、多汁、勁入味;好抽象?走去佢後巷睇吓,你會見到一包包炭!佢仲係好傳統用炭火、大支鋼原隻燒㗎!燒豬就係要咁原始先有風味!
記者:朱崇德
聯發燒臘(24929100)
地址:荃灣街市街17號地下