明天是耀輝的生日，近日康復進度理想，他坦言儼如天賜的新年兼生日禮物，為他打下強心針，令他對康復充滿信心，「我嘅願望係快啲做番律師，幫到有需要嘅人」。
天生失明的耀輝憑毅力，苦讀多年成為香港首位失明律師，惟腦膜炎及情緒病將他推向人生幽谷，一度無法行動及進食。他曾逃避把自己封閉起來，又試過自殺輕生，幸得媽媽不離不棄照料，才重新振作，只是雙腳一直無法活動。

《蘋果》兩個月前報道耀輝的遭遇，引起社會各界關注，「好多冇聯絡好耐嘅朋友搵我，中學同學、城大同港大校長都搵過我，仲有好多以前唔識嘅人嚟探我、鼓勵我，咁多人支持，我唔可以輸，要好番，將我嘅專業回饋畀社會」。
耀輝在各方支持下積極接受物理治療，近日他終於站起來，並在旁人攙扶下短暫步行，「行得嘅感覺好興奮，雖然今日仍然要人扶住先行到，但只要唔放棄，聽日我唔使人扶，用輔助架行，後日我用枴杖，大後日可以自己行……」
耀輝病後無法控制食道肌肉而不能進食，一直靠胃喉輸入營養液。接受言語治療後，他的吞嚥能力改善，近日可以舔糖果及朱古力，「甜嘢刺激我嘅喉嚨同口水分泌，家吞口水冇問題，可以享受美食，有番人生樂趣，希望遲啲食到固體」。為減輕任職清潔工媽媽照顧他的辛勞，耀輝請了印傭照顧起居，「唔使阿媽咁頻撲，工人中午同傍晚探病時間嚟醫院幫我梳洗，傾吓偈」。
蘋果日報慈善基金收到捐助耀輝的善款共16萬元，在熱心人士捐款支付下，耀輝的家居已完成改裝，單位內多處加裝斜台，並拆除廁所浴屏和地櫃以騰出較多空間給輪椅出入，以及在床頭安裝扶手方便起床。一切就緒，只待耀輝的活動能力足以應付基本生活，便能出院回家，展開新生活。
「陸耀輝」捐款編號：C3302