英超般尼周三主場出戰聯賽盃第三圈，對英冠列斯聯慘遭滑鐵盧，全場被對手以2:2逼和，互射12碼更輸3:5。同般尼有贊助協定嘅英國博彩公司Ladbrokes，賽後喺官方以twitter po咗一個豎中指嘅emoji，話要送俾上季仲係踢緊列斯嘅般基斯活特同埋查理泰萊，處名仲用上「列斯粉絲」，引起般尼官方不滿。

據英國《BBC》報道，Ladbrokes為般尼嘅贊助商之一，事件令般尼非常尷尬。Ladbrokes之後亦認衰道歉，仲話佢地當初只係諗住搞下笑，冇諗到最咩會搞唔成，依家已經del 咗個post。25歲嘅基斯活特上季係列斯嘅神射手，今季就同隊友查理泰萊一齊升呢轉去般尼，而佢地噚日都有份上場，但球隊最終都爆府輸波。