當年今日
關於我們
【里約奧運】中國包辦彈床銀銅牌 賽會烏龍頒獎企錯位
蘋果日報 2016/08/14 16:18
里約奧運
奧運
彈床
男子彈床三甲得主(左起)銀牌董棟、金牌漢查路及銅牌高磊。
里約奧運男子彈床由白俄羅斯選手漢查路贏到金牌,銀、銅牌就由中國選手董楝及高磊包辦,所以大家可以見到兩位中國選手一齊企頒獎台嘅場面。之不過今次因為賽會擺烏龍,兩位中國選手企嘅位調轉咗,結果係由董楝發現出錯,之後先至調番轉。
喺彈床頒獎儀式開始嘅時候,三位選手被帶到了頒獎台前,金牌喺中間而且最高,梗係唔會錯啦,點知銀、銅牌頒獎台幾乎一樣高,帶佢哋嘅人又可能根本分唔到董棟同高磊,結果董棟就企咗喺漢查路左手邊嘅銅牌位,而高磊就企咗喺銀牌位。初時董棟仲同觀眾揮手示意,後來突然醒起咗啲嘢咁,笑住問吓身邊工作人員之後證實搞錯企位,於是兩個就自己調換番,第一次參加奧運嘅高磊仲唔係好知咩事,要董棟推住佢過去,場面都幾搞笑吓。