唔少升呢做咗人母嘅歌手藝人，久唔久都會喺社交網分享湊B生活。不過，林芊妤（Coffee）早前上載咗一張餵母乳嘅相，就引嚟網民好大反應（相關新聞: https://bit.ly/2KpXIqJ )，直斥Coffee唔應該公開餵母乳嘅相，當然唔駛Coffee回應，已經有大批媽媽幫手反擊，認為佢哋思想守舊，又指就係因為呢啲思想，先至會令到餵母乳嘅媽媽有好大壓力。

無錯！啱嘅事係唔怕做嘅，好似32歲吳雨霏（Kary），今年6月為老公洪立熙（Brian）誕下得意B仔Asher後，一直停工專心湊B，今日佢喺IG STORY上載咗坐喺航空公司哺乳室，餵緊囝囝飲奶奶嘅相片，畫面甜蜜又溫馨。

與此同時，Kary又上載咗抱住囝囝坐喺機艙嘅相片，再以英文寫道：「有孩子前，我哋對各種冒險探索總是來者不拒，我們以往周遊列國，有很多時間去計劃自己的事，亦會隨遇而安，但成為父母後，冒險似乎會令人覺得係恐懼嘅事。」

Kary又話：「同小朋友去旅行，由收拾行李開始已經覺得好有難度，但同老公決定嘗試一下，雖然同以前會好唔同，亦都會比以前攰，但就算行程簡單咗，行李多咗，都覺得好值得。」Kary認為同小朋友出埠，其實都可以提醒自己放慢一點腳步，即使將來小朋友唔會記得佢去過旅行，Kary都覺得唔係重點，重點係旅行可以建立母子間嘅心靈連繫。

Google Play 2018 年度最受歡迎應用程式，請即點擊
http://bit.ly/2FCthz5 投《蘋果動新聞》一票

精選娛聞，喺晒《娛果》
http://fb.com/appledailyent