胡諾言同鄧佩儀即將參加渣打馬拉松賽事，今日兩人喺維園率先出席《BMW I Runners渣馬誓師》活動。 鄧佩儀今年會參加十公里賽事，佢扚起心肝練習，但最多只跑到七公里，加上舊年傷及腰部，令體能減弱，今次定下目標一個半小時內完成，並透露自己平日喜歡聽苦情歌跑步，激發自己衝勁，近日已經整定一個playlist。至於有冇同crazy runner一齊參賽，鄧佩儀話：「呢排都少咗一齊練習，之前有搵個袁偉豪一齊跑步，但佢跑普通步伐已經係我最快嘅速度。」

胡諾言去年參加全馬四小時完成賽事，佢表示今年因為要拍攝新劇同埋新春節目，疏於練習，今年目標同上年一樣，希望四小時內完成 。問到佢會唔會叫太太陳琪一齊參與？胡仔話：「太太支持得喇，唔好叫佢跑，叫佢跑簡直係拉牛上樹 ，大女就好啲，鍾意跑步。」

精選娛聞，喺晒《娛果》
http://fb.com/appledailyent