Kay（謝安琪）昨晚在「KKBOX香港風雲榜」中演出，遇上耳機失靈，聽不到自己把聲、也聽不到樂器聲，令Kay感到無助及徬徨，從未遇到這個情況，唱完第一首歌《羅生門》已忍不住在落台時流淚，之後再跟Supper Moment上台表演，鼓手阿達幫Kay打拍子，Sunny於合唱時盡量貼近Kay唱歌，讓她不用讀唇（新聞連結： https://bit.ly/2Uy2dE5）。

難忘的生日前夕，果然令Kay很有「驚喜」，今日是Kay的42歲生日，老公張繼聰在IG貼文感性鼓勵愛妻：「災難係堅嘅，不過我認為你更堅！」

二人同是歌手出身，阿聰當然了解Kay的心情，知道Kay為了昨晚演出，花了不少心血去練習，希望做到最好，未想到直播時才出事，發生歌手最恐懼的「意外」╴耳機失靈，現場沒有螢幕，整個表演只聽到耳機的沙沙聲，他留言：「整個表演聽唔到自己把聲，聽唔到音樂聲...只係聽到耳機嘅沙沙聲，同觀眾席音響彈番嚟嘅聲（會展咁大，我估回音會唔止一浸），現場有幾千名觀眾，唔喺現場嘅更有數唔到咁多嘅觀眾...依種情境，任何表演者發夢遇到都保證會嚇醒，不過，可惜，今次單嘢係堅嘅。二十分鐘嘅痛苦、恐懼、徬徨，心血白費...對表演者嚟講，係災難。」

他讚太太在這個環境之下，仍然奮力完成整個演出，沒放棄任何一粒音：「大佬，聽唔到聲照唱，部琴冇聲照彈，聽唔到音樂數唔到拍子照入歌喎」，生日前夕遇上舞台事故，阿聰相信對Kay來說是一種磨練，他續道：「今次之後，可以更加膽生毛啦，上到台冇嘢驚㗎啦，經歷係用嚟強化自己嘅。312，個宇宙預早送呢份禮物俾你，等你再Level Up，算係咁啦！」

不少fans都安慰Kay稱「佢耳機冇聲勁無助，仍然繼續超專業咁唱呀！好勁真係！全晚最好睇嗰part，Kay同Supper好掂」、「Kay出場是非常興奮，之後越睇越擔心」。

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef