大摩馬房本周六(16日)有大手惡馬在陣，馬房消息話首要留意第六場上陣的「步步德」，此駒上仗拚敗後，被減一分至60分，所以今次可以降落四班上陣，形勢十分有利。
馬房手足話「步步德」埋門越操越勇，柏寶很喜歡此駒，為了騎牠而放棄同場的另一實力馬「恆駿寶駒」，由此可知「步步德」機會如何，一定唔會揀錯馬，馬房手足認為今次降班對手較弱，坐二望一不成問題。
大摩除了「步步德」之外，馬房手足話第七場「蓮花巨星」亦有留意價值；上仗交貝湯美搏殺失手屈居亞軍，幕後唔甘心，今次卜定雷神壓陣，希望可以補中。