《逃犯條例》修訂風波不斷，特首林鄭月娥、政府官員連日道歉，但仍然未有正面回應五大訴求。今日網上就流傳了一段「致年青人：你哋冇上街嘅父母根本冇愛過你」的影片，片中的青年，把遊行示威與父母的問題混為一談，而黃秋生睇完該片後，忍不住fb中留言指該青年言論偏激，更鬧爆該青年是「仆街仔」。

該段長約6分鐘的短片，由一名叫「Louis Yuen」的專頁發佈，以金鐘政總為背景的短片中，他表示自己有去參與6月9日及12日的示威遊行，而且亦有被催淚彈打中，不過他亦同時質疑為何6月9日有百萬人參加遊行的同時，在12日的示威中，為甚麼大部份出席的都只是青年沒有「大人」，而他得出的結論就是「冇上街嘅父母根本冇愛過你」，更指父母口說反對暴力，但不會出來阻止警察，只會在家中看直播等等，更批評一眾父母只想在子女身上得到利益。不過該片其後卻被刪走。

看過短片後的黃秋生，亦忍不住在fb轉發影片並留言：「細路，係你老竇老母係咁咋？睇你嘅偏激言論，都可以知你父母唔識點教你。你令我諗起紅小兵。快啲批鬥你老竇老母啦，佢哋涼冷氣唔夠革命呀！用皮帶打佢哋啦，你條仆街仔，出過嚟就佔領道德高地呀？好在唔係個個好似你咁啫。出得嚟，就預咗硬食，有事就叫阿媽，學下做個男人啦。真係多得你唔少。條片刪咗嘞，起碼都叫從善如流。」

其實該段短片在下架前，曾於不同「藍絲」fb專頁中不停轉載，不過在fb專頁「求驗傳媒」晚上發現，這個「Louis Yuen」專頁並未能夠證明自己曾參與兩次遊行，加上該專頁在6月15日成立，並於6日後上載短片，而該片卻能在建制派的平台熱播，雖然事後短片已被刪走，被質疑有人利用不知名的年青人製造撕裂。

7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX