張羽希連日喺香港搵食店拍攝飲食節目，今日就去咗灣仔取景，張羽希就話自己鍾意下廚，由十二歲開始就跟媽媽入廚，年紀少少就已經識整拉麵，o依家喺香港定居，經常自己煮食，最叻煮西餐整牛扒，覺得中菜冇乜難度，仲話女士們最好要識煮食，要入得廚房，出得廳堂會更受歡迎。

講到今次拍攝嘅飲食節目，張羽希就話仲有五集先拍完，接住佢會開拍一百集美容生活節目，主要講女性扮靚，張羽希竟然好自信咁話:「我素顏拍攝冇所謂，仲靚過化咗妝，好多女士都唔肯素顏上鏡，到時會介紹浸spa乘機享受吓，性感都冇問題。」