衛詩雅今日喺沙田為代言嘅醫學美容品牌分店開幕擔任嘉賓，佢話喺舖頭做咗激光脫毛療程：「其實我細個係『毛孩』嚟，手、腳都多毛，仲美人生鬚，成日畀同學笑，o依家諗番根本就係欺凌我。」佢細個為咗脫毛，不惜用鬚刨剃毛：「不過愈剃愈大鑊，於是我又試過漂淺色啲，但係都畀啲同學發現咗。」

講完脫毛，衛詩雅話自己最近拍緊電影《再見UFO》，戲中做女神同徐天佑談情，接住又為另一套電影《掃毒2》開工，佢話：「呢部就做警察，個角色真係好唔同，不過我終於等到同劉德華合作，呢個係每個演員嘅夢想。」

衛詩雅笑言見到劉德華應該會好緊張，戲中都有對手戲：「但係動作場面，唔係談情，我都好想可以有談情戲呀，套戲仲有三哥（苗僑偉）同陳家樂。」

精選娛聞，喺晒《娛果》
http://fb.com/appledailyent