有時，得與失只係一線之差，身體有缺陷，唔等於人生唔完美。好似樂施會總幹事莊陳有，雖然失明，並在選舉期間喺維園遭到老土共侮辱為「死盲佬」，但一顆善心高尚過好多人。陳有兄噚日喺北京人民大會堂，獲得中國扶貧基金會頒發嘅「中國消除貧困獎」。
國務院扶貧辦主任劉堅讚揚陳有兄帶領下嘅樂施會，喺大陸推動「農民參與式扶貧項目」，同「以權為本」嘅扶貧策略，幫助內地貧困者自強不息咁話喎。陳有兄得獎之後仍不忘扶貧嘅責任，呼籲各界關注全球化為中國帶嚟嘅挑戰，而佢會繼續同樂施會一齊為扶貧而奮鬥。中方想表揚莊陳友，與其送獎狀，不如落命令約束吓啲維園阿伯把口重實際喇，吓哇？


傳真︰2623-9278
電郵︰[email protected]