前晚喺上海，42歲、兼曾兩度離婚嘅內地音樂人汪峰，當住全場8萬幾人面前，向席上嘅章子怡發表長逾8分半鐘嘅愛的宣言，兼唱咗首《我是如此愛你》示愛，並高喊：「我要讓你成為世界上最幸福的女人！」令章子怡亦感動落淚。

不過，感動背後，有網民踢爆，梅開二度兩度離婚嘅汪峰，亦曾兩度用深情表白示愛呢招，而且，就係兩年前左右——向第二任前妻康作如告白。有好記性嘅網民話，當時汪峰又係喺演唱會上，以一首寫俾已故戀人筠子嘅《當我想你的時候》，向康作如示愛，咁，就成功咗喇。

至於唱俾章子怡聽嘅呢首《我是如此愛你》，有網民爆料，首歌，係之前汪峰寫俾曾為佢未婚生女嘅模特兒葛薈婕。台下被感動到喊嘅章子怡，萬萬冇諗到，原來自己收咗一首「二手情歌」。