【好閃呀】「宇宙巨G.E.M.」一改騎呢風 倒模男友style潮人上身
鄧紫棋Mark Ngai
G.E.M.已完全融入男友嘅家中,簡單一張合照都閃到爆。(互聯絡圖片)
26歲嘅鄧紫棋(G.E.M.)同林宥嘉分手後,Dry足三年。G.E.M.曾鬧爆男方花心、虛偽、軟弱、厚臉皮、愛搞失蹤等五宗罪,但亦因為經常掛在嘴邊,被指消費前男友。
如今佢哋各有另一半,林宥嘉與丁文琪結婚,G.E.M.亦與JW(王灝兒)前男友Mark Ngai拍拖,可謂皆大歡喜。
G.E.M.今次4月被網友影到同Mark喺日本涉谷街頭十指緊扣,話晒都係熱戀期,G.E.M.雖然要經常出埠搵真銀,但唔使開工就一定陪住喺男友身邊,多次影到與Mark食飯行街(相關新聞﹕ http://bit.ly/2nkB0Za )。噚日Mark嘅媽媽Jannine喺社交網貼咗一張合照,相入面見到G.E.M.個樣冧到爆咁挨落男友膊頭上,黑白配,仲戴埋情侶Cap帽同頸鏈,咁話晒男友都係造型師,向來被指着衫騎呢嘅G.E.M.當然要聽吓男友意見,簡單就是美啦!而Mark嘅媽咪同妹妹亦有一齊影大合照,睇嚟G.E.M.已經融入咗男友嘅家中。
更多娛聞,喺晒《娛果》
http://fb.com/appledailyent
早前G.E.M.生日,男友亦約埋成班朋友同佢一齊慶祝。
今年4月,G.E.M.同Mark被影到喺日本街頭手拖手。(互聯網圖片)