韓片《嫌疑犯》男星孔侑近年專注拍電影，都好少拍劇，而噚日有消息話佢將會接拍新作《釜山行》，並首次挑戰殭屍電影，預計明年年初開拍。

《釜山行》係由韓國動畫界嘅延相鎬擔任導演，故事圍繞釜山KTX列車上所發生嘅恐怖殭屍事件，據知現時孔侑正投入拍攝另一部電影《男與女》，佢答應接拍《釜山行》扮殭屍都因為對延相鎬嘅信任，不過孔侑本身一身肌肉，唔知到時佢會唔會做一隻爆肌殭屍呢？