鼠年將至，余香凝（Jennifer）和堪輿學家楊天命今日齊齊現身旺角，為香港開電視節目《開運秘笈》拍攝。難得碰到師父，Jennifer即把握機會問過夠，老實不客氣表示已經準備好多問題請教師傅，首先是30多歲能否出嫁、會否有小朋友等，她說︰「若果我有子女運，我而家會預先雪卵，如果冇就唔雪，因為聽講好痛。」

另外，Jennifer當然要問事業運程，事業上可有需要轉形象，她說自己本身好易肥，平日經常忍口，若果肥身形適合事業運，便可以跟公司講不用減肥，問到能否接受自己變肥，她笑說︰「我冇嘢，睇吓男仔鍾唔鍾意。」生肖屬雞的她得知明年好旺桃花，她表示要詳細了解是那個月份及方位覓對象，問到心急嗎？她說：「有少少心急，而家26歲，又單身咗年幾。」今年聖誕節不少朋友相約食飯，但見到大家成雙成對，她笑已約好姊妹廖子妤，化身成男女朋友身份感覺拍拖過聖誕氣氛。

採訪、攝影：馬建華

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇